"أقلب الجزم"

بحمد الله وبفضله مكنش عندنا في اسرتنا الكريمة ثقافة عدل الجزم المقلوبة :) ولكن ده ميمنعش اني كان عندي فكرة عن الموضوع

في يوم جت عندي واحدة صحبيتي تزوني فشافت شبشب مقلوب

قالتلي وهية بتشاور عليه :"الشبشب مقلوب" ـ

انا-اه فعلا طيب مش فاهمة هوة شكلة وحش اوي لدرجاتي:"قلتلها اه في ايه؟؟؟!!"ـ

قالت لي :"مش حرام!!لانها كانها في وش ربنا"ـ

انا-يا حلاوة ده احنا تلت تربع شباشب البيت عندنا مقولبة- قلتلها: "اول مرة اسمع الكلام ده بس اهوة الشبشب ولا تزعلي :)" ورحت عدلتهولها

من ساعتها بحاول على قد ما اقدر مسبش الجزم مقلوبة الاحتياط واجب برده

لحد في يوم في احد محاضرات الكلية المبجلة مش فاكرة بالضبط ايه اللي دخلنا في الموضوع ده بس كنا بنتكلم عن موضوع عدل الجزم المقلوبة

الدكتور كانت بتسال هل في حد فكر في الموضوع ده وانه مش منطقي؟؟ّ!!ـ

وكان من الاجابات حد قال(ماهوة ربنا في كل مكان) ربنا في السماء مش في كل مكان -فوجب التنبيه والتنويه-:)ـ

المهم في الاخر الدكتور قلتلنا تفسرها هية فقالت(الارض مكورة فلو الجزمة اصلا معدولة فافي ناس تانية من الناحية التانية :) )ـ

هقف هنا ثواني وارجع ان شاء الله للقصة:: يعني بعيدا عن اي تفكير كان هوة اصلا الدكتور قصدها ايه من كلامها؟؟

هل ان احنا لازم لما حد يقولنا حاجة منعملهاش غير لو احنا مقتنعين بيها؟؟

طيب هل ده صح؟

ممكن لحد هنا ناس تبقى شايفة الكلام زي الفل وانا كنت شايفاه كدة.....ـ

.طيب نكمل القصة

الدكتور قالت طب انا هقولكم على حاجة (لما ربنا سبحانه وتعالى أرسل الرسل زي سيدنا ابراهيم ومحمد) وبفضل الله بدأت ناس من الدفعة تصلي على الرسول صلى الله عليه وسلم

هنا الدكتور قالت (شفتم بقى سامعين التمتمات بتاعتكم دي لما قلت سيدنا محمد صلى عليه وسلم رغم اني قلت ربنا سبحانه وتعالى ومحدش قال حاجة)ـ

المحاضرة خلصت والناس قامت وانا كنت قاعدة مبحلقة وكان لازم اقوم عشان اللي جنبي عاوزة تعدي......ـ

بس هنا بقى الكلام في أنَ هوة المفروض معملش الحاجة غير لما اكون مقنع بيها ده حاجة صحيحة ولكن قبل ده لازم اعرف حكمها الشرعي الاول يعني مثلا لو موضوع عدل الجزم ده كان في دليل على ان الرسول كان بيعمل كدة مثلا فانا هعمل كدة من غير اي تفسير منطقي للموضوع(وبالمناسبة لم يرد اي حديث عن الموضوع ده) ـ

ولكن الكلام ده بيختلف مع المثال التاني لان في حديث بيقول (رغم انف رجل ذكرت عنده فلم يصل علي )ـ

وبالتالي المفروض عند ذكر الرسول صلى الله عليه وسلم اصلي عليه على طول في وقتها

اما الله سبحانه وتعالى ليس كمثله شئ المفروض ذكره على لسنا كلنا في كل وقت فمن صفات المنافين انهم بيذكروا الله قليلا

الخلاصة ان الواحد مينفعش يعمل حاجة او ميعملش لمجرد انه تفكيره في الموضوع توصل لكدة المفروض الواحد لما يسمع حاجة ميعرفش مصدرها يبحث عنها من مكان موثوق منه ومش يكتفي بتفكيره البشري

اخيرا عاوزة اقول ان الدكتور من اكتر الناس اللي بحترمهم في الكلية وهية دايما بتحاول توسع افاق عقولنا وعوزانا نفكر اكتر في كل حاجة بس لما الامر يتعلق بالدين يجب ان يرد الامر لاهله :)ـ

وهذا ما دار في خاطري............ـ