حمــــــــــلة المليـــــــــــــــــار

السلام عليكم ورحمة الله وبركاته

فى يوم كنت فى الكليه وكنت حاضره فى المدرج وبعدين جه الدكتور اللى هيشرح لينا الماده بس قبل ما يشرح قال انه عايز يتكلم عن حاجه ..... وبعدين سألنا سؤال وقال كل واحد يقول ايه أكتر نعمه هوه حاسسها؟؟

فكل حد خطرت على باله نعمه من نعم ربنا علينا قالها زى :-

1- البصر

2- السمع

3- العقل

4- الكليه

5- التفكير

6- التعليم

وغيرهم كتير

المهم قالنا انتوا نسيتوا أهم 3 نعم اللى من غيرهم ما نقدرش نعيش ..... قعدنا نفكر كتيييييييييييييييييييييييير وما عرفناش ايه همه ال 3 نعم دول المهم قالنا انتوا نسيتوا :- الأكل و الشرب و المسكن

اول ما سمعنا كده قلنا ياااااااااااااااااااااااااااااه إزاى ما افتكرناش النعم ده

فقالنا لأننا متعودين عليها يعنى متعودين اننا بنروح نلاقى أكل وشرب ومكان ننام فيه ومن هنا بدأ الحكايه معانا

وقالنا تعرفوا ان فيه أكتر من 25 مليون مصرى تحت خط الفقر يعنى مش لاقيين ال 3 نعم الأساسيه ده ومن هنا بدأ كلامه عن حملة المليار

حملة المليار ده حمله بدأها الفنان محمد صبحى وهدفها النهضه بالعشوائيات وتوفير ال 3 نعم الأساسيه ده ليهم

للمزيد من المعلومات عن الحمله هنا

طب إيه الأسباب اللى تخلي الواحد يشارك فى حاجه زى ده :-

1- احنا كده بنحط أول طوبه فى اسس نهضة بلدنا

2- هندخل الفرحه على قلب انسان غلبان وهينوبنا دعوات أكيد :D

3- كمان احنا مقصرين فى شكر نعمة ربنا علينا فممكن نعتبرها زكاه عن النعم ده اللى احنا مش حاسيين بيها لأنها عندنا

 

وكمان لام نتخيل ان احنا كان ممكن نكون مكانهم وما عندناش ال 3 نعم ده ونحس بحالهم . تخيلوا كده حد مش لاقى أكل او شرب أو تخيلوا حد كده مش عارف هينام فين؟؟

"اللهم اعنا على ذكرك وشكرك وحسن عبادتك"

المهم احنا شاركنا فى كليتنا . إنت / إنتى هتشاركوا ولا هنفضل سلبيين ؟؟

ربنا يوفقنا جميعا ويقدرنا اننا نشكر ولو جزء بسيط من نعمته علينا

سلام عليكم